အာနီးဂါးဘော့။ ။ ငွေရှိရင်ဘာာမဆို ရနိုင်တယ်လို့ပြောတတ်ကြတယ်။ ဒါပေမဲ့ မရနိုင်ပါဘူး၊ အစားအစာကို ၀ယ်လို့ရနိုင်တယ်။ စားချင်တဲ့ အာသာဆန္ဒ ကိုဝယ်လို့မရပါဘူး၊ ဆေးကိုဝယ်လို့ရပါ့မယ်။ ကျန်းမာရေးကို ၀ယ်လို့မရပါဘူး၊ အသိပညာကို တော့ရနိုင်ပါတယ်။ ဥာဏ်ပညာကိုတော့ မရနိုင်ပါဘူး။ လက်လက်ထအောင် လုပ်နိုင်ပေမယ့် အလှတရားကို ၀ယ်လို့မရနိုင်ပါဘူး။ အသိအကျွမ်းတွေများပေမယ့် မိတ်ဆွေတွေကို မရနိုင်ပါဘူး။ အစေအပါးကို ရနိုင်ပေမယ့် သစ္စာစောင့်သိမှုကိုတော့ မရနိုင်ပါဘူး။ နားနေမှုရပေမယ့် ငြိမ်းချမ်းမှုကို မရနိုင်ပါဘူး။ အရာရာ ရဲ့ အပေါ်ယံ အခွံအကာ ကို ငွေနဲ့စက်ပြီး ၀ယ်လို့ရနိုင်ပေမယ့် အစေ့အဆန် နဲ့ အနှစ်ကို ၀ယ်လို့မရပါဘူး။
သိပ်ကောင်းတဲ့ စကားကလေး ဖြစ်ပါတယ်။ တကယ်တော့ ငွေဆိုတဲ့အရာ ကို ဘယ်သူမဆို လိုနေတာပါပဲ။ သို့သော်လည်း ငွေမပါလို့ ဖြစ်ချင်ရာ မဖြစ်နိုင်ဘူးလို့ လက်မှိုင်ချနေတဲ့သူတွေကို လည်း ဒီ စကားလေးက အားပေးနေပါတယ်။ ကိုယ်သိက္ခာ သမာဓိ ပညာကြောင့် လိုရာရလာတတ်တာလည်း ရှိပါတယ်။ ကိုယ့်စေတနာ မေတ္တာများကြောင့် လည်းရောင်ပြန်ဟပ် တဲ့အကျိုးပေးတွေကို လက်ခံ ရနိုင်တတ်ကြတာပါပဲ။ ငွေမရှိလို့ ဒေါသတွေ ဖြစ်နေတော့ရော ငွေက ကိုယ့်လက်ထဲကို ကျလာမှာ လိုက်လို့ပါပဲ။
ကိုယ့်ကိုယ်ကိုတောင် မှ ကိုယ်တကယ်ပိုင်တာ မဟုတ်ဘဲနဲ့ ဘယ်လိုနည်းနဲ့ ကိုယ့် အပြင်ဘက်က သတ်မှတ်ချက်တစ်ခုကို ပုံပြီး ယုံရမှာလည်းနော်။ ထို့အတူ ငွေရှိတယ် ဘာမဆို လုပ်လို့ရတယ်လို့ ဘာမဆို ငွေရှိရင် ရနိုင်တာပဲလို့ ထင်ထားတတ်ကြသူတွေကို အာနီးဂါးဘော့၏ အဆိုအမိန့် က သတိပေးထားခြင်းပါ။ ဒီအချက်တွေကတော့ ငွေရှိပေမဲ့ မရနိုင်ပါဘူး တဲ့။
ဒီအဆိုအမိန့်လေးကို ဒေါက်တာမတင်ဝင်း (ပညာရေးတက္ကသိုလ်) က စာအုပ်တွင် စာဆိုများ ၏ အဆိုအမိန့် များ အဖြစ် သာဓက များဖြင့် ထဲ့သွင်းဖေါ်ပြထားပါတယ်။
6 comments:
ငွေနဲ့အားလုံးကို ၀ယ်လို့မရပါဘူး. . .
မေတ္တာတရား၊ သစ္စာတရားရယ် ရိုးသားတဲ့အကျင့်စာရိတ္တတွေရယ် စိတ်ချမ်းသာမှုတွေကို အထူးသဖြင့်ဝယ်မရနိုင်ပါ...
ဟုတ်တယ်နော်... “အသိအကျွမ်းတွေများပေမယ့် မိတ်ဆွေတွေကို မရနိုင်ပါဘူး။ အစေအပါးကို ရနိုင်ပေမယ့် သစ္စာစောင့်သိမှုကိုတော့ မရနိုင်ပါဘူး။”
ဒါ တကယ့် လက်တွေ့ဘ၀ပဲ :)
မှန်ကန်တဲ့ စကားလုံးတွေပါပဲ မညခင်း။
စိတ်အဟာရ ဖြည့်သွားပါတယ်။
ခင်မင်ခြင်းနှင့်
တလနွန်
ဒါပေမဲ့ လူတိုင်းငွေကိုရှေ့တန်းတင်ထားကြတယ်ဗျ ငွေမရှိရင် ဘာမဆိုဖြစ်တယ်ဆိုတဲ့ အတွေးတွေလဲ ခေါင်းထဲ ရောက်နေကြတယ်။
ဘာပဲပြောပြော မှတ်သားသွားပါတယ်ဗျာ...။
ဟုတ်တယ်အမရေ ကိုအိမ်ပြောသလိုပဲ လူတိုင်းလူတိုင်းက ငွေကိုရှေ့တန်းတင်ထားကြတယ်။ ငွေမရှိရင်မဖြစ်ဘူးဆိုတဲ့အတွေးတွေက တစ်ခါတစ်လေကျရင်ခေါင်းထဲရောက်ရောက်လာပါတယ်။ ငွေကြောင့်လည်းစိတ်ညစ်ရတယ်။ စိတ်ချမ်းသာရတယ်ဆိုတာက နည်းပါတယ်။ ဘာာပဲဖြစ်ဖြစ်အမရေ မှတ်သားသွားပါတယ်။
ပိုက်ဆံ က မရှိမကောင်း ရှိမကောင်းပါ
Post a Comment